Semana das Ciencias ESO

Na semana do 11 ao 15 de novembro celebramos no colexio a Semana das Ciencias. Realizáronse os tradicionais concursos de preguntas de Física, Química, Matemáticas, Bioloxía, Xeoloxía, Tecnoloxía e Informática, así como o roteiro científico no laboratorio do centro, onde os alumnos de 3º e 4º da ESO prepararon diversos experimentos. Ademais, os alumnos de 1º, 2º e 4º da ESO construíron unha táboa periódica xigante para conmemorar a celebración do Ano Internacional deste ordenamento dos elementos químicos. A celebración completarase cunha visita ao Parque Científico Experimental “Sotavento Galicia”, no mes de decembro.