Sementeira 9. Territorios creativos: paisaxe e sostibilidade (ProxectoTERRA)

O 23 de novembro o alumnado de 6º de E. Primaria participou no obradoiro SEMENTEIRA 9. TERRITORIOS CREATIVOS: PAISAXE E SOSTIBILIDADE, pertencente ao programa educativo ProxectoTERRA do Plan Proxecta+, unha iniciativa da Consellería de Cultura, Educación, Formación Profesional e Universidades en colaboración co Colexio Oficial de Arquitectos de Galicia que ten como obxectivo fomentar a innovación educativa.

As arquitectas Ana Barreiro e África Martínez, de Taller Abierto Proyectos Culturales, foron as encargadas de dirixir o obradoiro, no que se traballou sobre a organización do territorio, o urbanismo, o desenvolvemento sostible, o respecto medioambiental e patrimonial, etc.

Ao longo do curso seguiremos participando no ProxectoTERRA con outras actividades deseñadas polo profesorado do colexio nas que participará todo o alumnado de E. Primaria.