Solidarios
SOLIDARIOS con Filipinas. Recentemente participamos na campaña solidaria organizada pola Cruz Vermella para axudar ás vítimas causadas polo tifón “Haiyan” que arrasou as illas Filipinas a comezos de novembro. Ingresamos a nosa axuda en favor da Cruz Vermella e así aportamos o noso gran de area para que lle cheguen á poboación damnificada os subministros e o materiais necesarios para refacer as súas vidas.
SOLIDARIOS coas familias sen recursos da Estrada. Desde a semana pasada estamos a participar na campaña solidaria de Cáritas Diocesana para facer provisión de alimentos non perecedoiros cos que axudar a familias con escasos recursos económicos do noso concello. O noso colexio é un dos puntos de recollida da Operación Quilo, que así se chama esta campaña. Podedes depositalos no centro de Educación Primaria ou no de Secundaria atá o próximo venres, 13 de decembro.
Grazas pola vosa colaboración.