Teatro benéfico polo Día Mundial do Alzhéimer
O pasado venres pola mañá 3º e 4º da ESO asistimos ao Teatro Principal para ver a obra de teatro “Na butaca, fantasía nº 3 en Dor Maior”, un monólogo sobre o Alzhéimer. A obra, realizada grazas a unha iniciativa de AGADEA (Asociación galega para axuda dos enfermos con demencia tipo Alzhéimer) tivo como obxectivo sensibilizarnos e darnos a coñecer aspectos sobre a doenza dunha forma moi clara ao tempo que emotiva. Despois da obra houbo un foro-teatro, con varias actividades que nos axudaron tamén a seguir reflexionando sobre a natureza e circunstancias que rodean esta enfermidade.