Unha lección maxistral!
O pasado mércores os alumnos e alumnas de 5º e 6º de EP asistimos a unha charla no centro da ESO co ilustre escritor galego Xosé Neira Vilas. Foi unha enriquecedora viaxe pola súa vida e obra. Don Xosé falounos da difícil infancia en Gres, cando compartía a escola co traballo do campo para axudar aos seus pais, da dureza da emigración, da súa formación académica, da vida laboral, da labor social e cultural levada a cabo en Buenos Aires, Cuba e agora xa na terra, e contounos curiosidades da súa vida persoal.
Toda unha lección de sabedoría, de lucidez, de humildade e amor profundo pola nosa terra e a nosa lingua. Non esqueceremos as súas verbas nin os seus consellos.
Moitísimas grazas, Don Xosé, por esa lección maxistral!