Xornada de piragüismo. A Canoa Dragón

Os alumnos de sexto de primaria e de primeiro de ESO participaron nunha xornada de piragüismo o día 17 de abril no embalse de Pontillón de Castro en Verducido.

Os alumnos coñeceron un pouco máis este deporte e puideron navegar nunha Canoa Dragón, embarcación para 20 tripulantes con dous compoñentes máis que se sitúan na proa e na popa da embarcación. Na proa sitúase unha persoa que, ao son duns timbales que simulan o corazón do dragón marcan o ritmo de palada. Na popa do barco vai outra persoa, o capitán ou patrón que é o responsable do temón.