ACTO DE GRADUACIÓN DE 4º ESO, 2024-2025

O venres 20 de xuño foi unha xornada moi especial para o alumnado de 4º ESO, foi a súa graduación. Un acto sempre ateigado de emocións, lembranzas e moita ilusión polo novo camiño que se abre en nada.
O Salón de actos do noso centro xuntou os familiares, o profesorado e os protagonistas do día, flamantes graduados que,  entre nervios e sensacións encontradas, compartiron un momento único.
A cerimonia comezou co discurso pronunciado en nome dos rapaces e rapazas de 4º, a este seguiulle o das familias e, finalmente, o do profesorado, e en todos eles as palabras fixeron repaso polo camiño andado e subliñaron o crecemento vivido durante estes anos compartidos. Como pasou o tempo!
Non faltaron as fotos para gardar cada instante, nin a entrega dos diplomas, con cada graduado recollendo cadanseu título honorífico mentres recibía os aplausos de toda a comunidade educativa.
E para rematar gozamos duns saborosos aperitivos no comedor do centro, un intre distendido para falar do futuro, compartir ansias e máis lembranzas e despedirse con agarimo.

Graduados e graduadas, en hora boa!!! E moita sorte!!!