Charla sobre “Fakenews” de César Rodríguez, xornalista de La Voz de Galicia

O mércores, 4 de xuño, estivo no noso centro o xornalista de La Voz de Galicia, César Rodríguez quen durante case unha hora nos falou, e alertou, dos principais bulos e contos que circulan polas redes. Na charla, César amosou noticias falsas —cada semana saen ducias de exemplos— cun repaso á historia dos bulos e das manipulacións, algo que sempre houbo mais nunca coa incidencia de hoxe.

Actividades como a que realizou hoxe o alumnado de 2º e 3º da ESO axudan a crear e facer cidadanía consciente pois axudan a reflexionar no que pensamos que é certo e no que non ao tempo que nos decatamos de que en toda a manipulación hai unhas claves ás que cómpre atender.