Charla sobre navegación segura en Internet, “Navega con rumbo”

O noso centro participa este ano no programa “Navega con rumbo”, unha iniciativa impulsada pola Xunta de Galicia en colaboración co Colexio Profesional de Enxeñaría e Informática de Galicia para mentalizar o alumnado galego de cara ao uso responsable de Internet e das redes sociais.

No marco desta participación hoxe recibimos no colexio a visita de Óscar Vázquez, colaborador do citado programa, quen nos falou sobre a importancia da navegación segura en internet. Aprendemos a protexer os nosos datos, a recoñecer riscos nas redes sociais e a actuar con responsabilidade dixital e todo dunha forma moi amena e a partir de casos prácticos e moi realistas.  Unha sesión moi útil para navegar con seguridade e confianza no mundo dixital.