Excursión a Santiago de Compostela, 1º e 2º EP

O 17 de abril o alumnado de 1º e 2º EP fixo unha saída didáctica a Santiago de Compostela. Pola mañá desfrutaron da música da Real Filharmonía de Galicia no Auditorio de Galicia co concerto “Animalia”. Despois chegou o tempo da merenda no Parque da Música e, deseguido, fíxose o traslado á Cidade da Cultura para coñecer as súas instalacións, xogar no Parque da Balea e visitar a exposición “As estacións do ano na arte galega dos séculos XX e XXI” no Museo Centro Gaiás.

Foi unha xornada inesquecible!