Semana do Libro, 2026

Libros suspendidos no aire, coma acios dunha viña, cargados de historias e palabras, chamaban a atención e anunciaban que esta semana a lectura tería un protagonismo especial. E así foi.

Nesta Semana do Libro e o espírito lector espallouse por todo o centro: o profesorado compartiu co alumnado textos escollidos para a ocasión, lecturas ofrecidas como pequenos agasallos a uns oídos ávidos de historias. E, como colofón, o tempo da lectura silenciosa e persoal ao abeiro da nosa carballeira: cada quen co seu libro, sen présas e deixando que a calma e a natureza acompañasen o ir e vir das follas e das palabras.

A lectura, que marabilloso invento! Libros que penduran, libros que se abren e nos ofrecen unha colleita de historias e palabras que seguen a medrar en nós, mesmo cando a semana remata e o libro se garda.