Excursión ao Parque Acuático de Cerceda

O mércores 17, o alumnado da ESO cumpriu cunha actividade que xa se está a converter nun auténtico rito de fin de curso: a visita ao Parque Acuático de Cerceda.

A xornada comezou cun fermoso paseo pola ribeira do río Cabancos, na contorna industrial do río Acevedo, no concello de Cerceda. Este fermoso percorrido permitiu gozar da natureza e mesmo prolongar a camiñada por un pequeno tramo da Senda Verde. Logo da andaina chegou o momento máis esperado: a entrada no parque acuático; durante case cinco horas, a diversión foi continua: piscinas, tobogáns e todo tipo de atraccións foron probadas unha e outra vez polo alumnado… e tamén polos profes. Houbo troula sen descanso, interrompida unicamente para repoñer forzas á hora do xantar e para probar algún xeado (tan merecido). Unha forma  refrescante e saudable de facer exercicio físico nun día de case verán.

Risas, compañeirismo e bo ambiente fixeron desta saída un magnífico anticipo das vacacións, que en nada xa chegan.

Benvido, verán, case case…!