Música no Auditorio: Beethoven, Mahler, Shostakóvich, Charles Ives

O xoves, 6 de febreiro, asistimos no Auditorio de Galicia, en Santiago, ao espectáculo “Preguntas sen resposta?”. Nun espectáculo eminentemente musical pero que tamén se apoiou en reproducións feitas con intelixencia artificial, a Real Filharmonía de Galicia e as palabras recreadas de catro grandes compositores de música clásica (Ludwig van Beethoven, Charles Ives, Dmitri Shostakóvich e Gustav Mahler) axudaron a mergullarnos en momentos estelares da historia da música.