OBRADOIROS DIXITAIS EN 1º E 2º EP

Durante este curso 2024/2025 desenvolvemos varios obradoiros dixitais nas aulas de Educación Primaria empregando material do Programa de Éxito Educativo POLOS CREATIVOS.

Por exemplo, en 1º e 2º EP fixéronse os seguintes obradoiros:

Fotografía e busca de información: identificación dos nomes comúns de animais e dos seus nomes científicos a partir de fotografías feitas polo alumnado cunha tableta. A localización da información fíxose de forma guiada.

Creación de vídeos de animación mediante a técnica stop motion, coa aplicación Stop Motion Studio: o alumnado elaborou vídeos curtos experimentando coa animación de material escolar.

Retos co equipo de robótica e IA Coding Set: traballando en grupos reducidos, o alumnado deseñou diferentes rutas e programou o robot para acadar a súa meta.