ABRIL: MES DO LIBRO
Ao longo do mes de abril e, en especial, o Día Internacional do Libro Infantil e Xuvenil (2 de abril) e o Día Mundial do Libro e os Dereitos de Autor (23 de abril), fixemos fincapé na posibilidade que nos ofrecen os libros de viaxar sen movernos do sitio, recorrer o mundo a través de relatos, versos, ilustracións e unhas boas doses de imaxinación.
Nos nosos blogs e plataformas (E-Dixgal e Moodle) houbo propostas de todo tipo: lecturas, redaccións, actividades con Don Quixote e Sancho Panza ou con San Xurxo e o dragón, suxestións para ordenar libros, propostas de recitados, presentacións de libros favoritos, elaboración de pequenos libros, manualidades, vídeos, actividades de investigación sobre Miguel de Cervantes, Garcilaso de la Vega e William Shakespeare, booktrailers, reto lector… Tampouco faltaron as cancións, como a célebre “VIVA LA LECTURA”, que tanto nos gusta cantar cada ano.
Rematou o Mes do libro e chegou maio, o Mes das Letras Galegas. Que tal se seguimos lendo? 😉
Curtametraxe: Los fantásticos libros voladores del Sr. Morris Lessmore
Imaxes de Unesco e Pixabay, libres de dereitos