Charla de ex-parlamentarios do Parlamento de Galicia
O pasado martes, 5 de decembro, véspera do Día da Constitución e do Estatuto de Galicia, recibimos a visita de tres ex-diputados do Parlamento de Galicia no marco do ciclo de charlas “Charlas-coloquio sobre o Parlamento de Galicia” organizadas pola Asociación de Ex-Parlamentarios. Logo de ver un vídeo sobre o Parlamento, un documental ilustrativo sobre a institución pero tamén sobre o edificio que a acolle, tivo lugar un coloquio co obxectivo de que o alumnado da ESO coñecese de cerca o traballo que se desenvolve na cámara.
Acudiron nesta ocasión Xesús Palmou, Tereixa Novo Arrojo e Pablo García, quen explicaron os detalles da actividade parlamentaria. Foi unha lección útil e esclarecedora a cargo duns profes excepcionais, sen pantallas e sen máis actividades que a palabra e a escoita.