Charla para unha vida saudable e sen condutas aditivas

A semana pasada rematamos unha serie de charlas sobre condutas aditivas que nos impartiu Isabel Sanmartín, técnica do Servizo de Prevención de Drogodependencia do Concello da Estrada e encargada, desde hai anos, de desenvolver accións preventivas nos centros educativos da Estrada. Ao longo de tres sesións Isabel aportounos datos e moita información sobre o que conleva o consumo de substancias como o cannabis ou o alcol, falounos dos mecanismos que se activan no cerebro cando se dá ese consumo e coas súas preguntas suscitou moitas reflexións sobre feitos que vemos e coñecemos, algúns deles, como cotiáns e inocuos. Comprobamos que nada teñen de inocuos e que evitar o prexuízo que nos puideran causar depende, sobre todo, de nós.

Grazas, Isabel pola túa visita e por esas sesións tan amenas. Agora toca non esquecelas e ter o aprendido moi presente.