Letras Galegas, 2021

Celebramos a Semana das Letras Galegas e soubemos, xa sabemos, algo máis de Xela Arias (Sarria, Lugo, 1962 – Vigo, 2003), a escritora homenaxeada nesta edición. Fixemos lecturas de textos propios e de traducións, audicións de poemas musicados, vimos videoclips e vídeos documentais, desciframos xeroglifos e ata nos atrevimos con regueifas “biográficas”, un ramallo de actividades dedicadas á autora que se foron desenvolvendo ao longo da última semana. Ademais senllos carteis póñenlle cor á entrada e fan lembranza da figura de Xela e do Día que se conmemora.

Feliz Día das Letras!