Mañá musical en Santiago
O venres 20 de novembro os alumnos de 1º e 2º da E.S.O. tivemos mañá artística. Asistimos no Auditorio de Galicia, en Santiago, ao concerto didáctico da Real Filharmonía de Galicia que interpretou, baixo a dirección de Paul Daniel, unha selección da “Sinfonía nº 6 en La Menor”, de Gustav Mähler; escoitamos fragmentos musicais comentados que se inspiraban na vida e nas vivencias do compositor checo e da súa muller, Alma, unha persoa moi importante na súa vida, como puidemos comprobar. E despois da música, fotografía, alí mesmo vimos a exposición ‘Salto de Páxina. O Libro de Artista no século XXI’, que recolle as obras galardoadas co premio ArtsLibris / Banco Sabadell.