PARLAMENTO XOVE, 2024

O pasado sábado, 9 de marzo, o equipo de formado por Iria e Lucas, de 3º ESO, e Celia e Blanca, de 4º, co profesor Víctor como coordinador, participou na competición de debate académico “Parlamento Xove”.

A edición deste ano, a décimo quinta, tivo lugar na Residencia de Tempo Libre do Carballiño e xunto con outros 22 equipos tiveron que debater sobre o tema “Os estados deben tomar medidas para limitar o desenvolvemento da intelixencia artificial?”. Dos tres debates disputados (contra o IES Puga Ramón, da Coruña; o IES Muralla Romana, de Lugo e o IES David Buján, de Cambre) gañaron o terceiro. Mais esta xornada, alén da parte competitiva, supón unha vivencia única pois é facer un alto na rutina do curso e compartir dous días con mozos e mozas de toda Galicia, nun ambiente de compañeirismo, superación e moitísima emoción.

 Foi unha fermosa experiencia, e unha grande aprendizaxe. Noraboa a todos eles!