Recital de Rosalía no Teatro Principal
O 22 de febreiro, na véspera do Día de Rosalía, tivo lugar no Teatro Principal da Estrada un recital organizado polo Concello da Estrada para homenaxear a esta escritora. Nel participou alumnado de Educación Primaria dos centros educativos da Estrada, sendo Natalia e Mateo, de 6º de Educación Primaria, os que representaron ao noso centro.
Neste acto tamén se presentou o videoclip Un pelouro que roda, no que alumnado dos centros de Educación Primaria da Estrada interpretan en playback a canción que A banda da Loba compuxo a partir do poema de Rosalía titulado Pelouro que roda, publicado en Follas Novas en 1880.
Videoclip: https://www.youtube.com/watch?v=Gv32PESCKqo