5º e 6º EP de excursión pola Coruña
O pasado 22 de maio o alumnado de 5º e 6º de Ed. Primaria fixemos unha excursión á cidade da Coruña.
Visitamos o Castelo de San Antón, onde se atopa o Museo Arqueolóxico e Histórico da Coruña. Alí vimos pezas moi interesantes da Prehistoria e Idade Antiga. Tamén demos un paseo pola Praza de María Pita e a Torre de Hércules, o único faro da época dos romanos aínda en funcionamento.
Pola tarde fomos ao Museo Científico e Tecnolóxico, onde fixemos unha actividade para diferenciar as mesturas das reaccións químicas. Pasámolo moi ben vendo diferentes inventos e máquinas do século XX.
